_{„მომავლის ვარსკვლავები“ არის პლატფორმა, რომელიც მიზნად ისახავს საქართველოში ახალგაზრდა ტალანტების აღმოჩენას, წარმოჩენასა და მხარდაჭერას. პროექტი ემსახურება ბავშვთა ფეხბურთის პოპულარიზაციას, ახალგაზრდა ფეხბურთელებისთვის მოტივაციის შექმნას და მათი წარმატებების ფართო საზოგადოებისთვის გაცნობას.}

პლატფორმის ერთ-ერთი მთავარი მიმართულებაა ბავშვთა საფეხბურთო ტურნირების აქტიური გაშუქება: სხვადასხვა ასაკობრივი კატეგორიის ჩემპიონატების მატჩების, გამორჩეული მოთამაშეების წარმოჩენა. საფეხბურთო აკადემიების, სკოლებისა და კლუბების პოპულარიზაცია.

_{„მომავლის ვარსკვლავების“ პროექტის ფარგლებში ასევე შეიქმნა ბავშვთა საფეხბურთო კლუბების შესახებ ჟურნალი-ალბომი, რომელიც აერთიანებს კლუბების ისტორიებს, ახალგაზრდა სპორტსმენების წარმატებებს, ფოტოებს, ინტერვიუებსა და საინტერესო საფეხბურთო ამბებს. ჩვენი მიზანია შევქმნათ სივრცე, სადაც მომავალი ფეხბურთელები საკუთარ შესაძლებლობებს წარმოაჩენენ და უფრო მეტ მოტივაციას მიიღებენ განვითარებისთვის.}